OLED තාක්ෂණය

  OLED තාක්ෂණය  

 

LCD,LED LCD අද ඊයේ ආපු දේවල් වගේ හිතුවට ඒවා යල්පැනලා ඉවරයි.අලුත්ම තාක්ෂණය OLED.අපි බලමු මේ OLED කියන්නේ මොකද්ද කියල.

Organic Light Emitting Diode කියන එක තමා ඔය OLED කියන්නේ. මේක පරිගණක, ජංගම දුරකථන, කැමරා, ගීත ධාවක (MP3 Players) ආදී බොහෝ උපකරන වල තිර (Display) සදහා බාවිතා කරන නවතතාක්ෂණයක්. 

මේ සදහා බාවිතා කරන්නේ විදුලි ධාරාවක් ලබාදුන්නම ආලොකය විමෝචනය කිරීමේ හැකියාව තියන Organic නැත්නම් ඓන්ද්‍රීය (කාබන් මූලික) අමුද්‍රව්‍යය උපයෝගී කරගෙන තමයි මේ OLED නිර්මානය කරල තියෙන්නේ. මෙන්න මේ හේතුව නිසා OLED තිරවල LCD තිරවලදි වගේ Back light එකක් බාවිතා වෙන්නේ නෑ. මේනිසා විශාල ලෙස විදුලිය ඉතිරිවෙනව විතරක් නෙවෙයි ඉතාමත්ම තුනී තිර නිශ්පාදනයට ඉඩ ලැබෙනව. 
කොයිතරම් තුනීද කියනවනම් මේ OLED නැනෝමීටර් 100ත් 500ත් අතර ගනකමක් ඇතිව තමා නිශ්පාදනය වෙන්නේ. ඒ කියන්නෙ කෙස් ගසකින් 200කින් පංගුවක් තරම් ගනකමට. හිතාගන්නවත් පුළුවන්ද?.කලින් බාවිතාකල තිර තාක්ෂණයෙදි සම්පූර්න තිරයට තනි Back light එකක් බාවිතා කරනව වෙනුවට මේ OLED තාක්ෂණයේදී තිරයේ එක් එක් පික්සලය සදහා වෙන වෙනම OLED බාවිතා කරනව. 
මේ හේතුව නිසා ඉතා විශාල විභෙදන බලයක් සහිත (High resolution) තිර සහ විශාල පුළුල් තිර නිශ්පාදනයට මග පෑදිලා තියනව. ඒ වගේම තවත් වාසියක් තමයි මේ OLED තිර මගින් ලබාදෙන ඉතාමත් සුපැහැදිලි වර්ණ.

කොහොමද මේ OLED වැඩකරන්නෙ?

මූලිකවම OLED එකක කැතොඩයක් (ඉලෙක්ට්‍රෝන ලබාදීමට), විමෝචක ස්ථරයක් (අනුක කාබනික ස්ථරය) සහ ඇනොඩයක් (ඉලෙක්ට්‍රෝන ලබාගැනීමට) අන්තර්ගත වෙනව. තිරයේ කාර්යක්ෂමතාව වැඩිකිරීම සදහා අතැම් තිරවල මීට වඩා වැඩි ස්ථර ගනනක් බාවිතා උනත් මේක තමා OLED තිර වල මූලිකම ව්‍යුහය.

මෙන්න මේ ඇනෝඩය සහ කැතොඩය අතර විභව අන්තරයක් ඇතිකලාම ඒ අතර තැම්පත් කරල තියන කාබනික ස්තරය හරහා ඉලෙක්ට්‍රෝන ධාරාවක් ගමන්කරද්දි තැම්පත් කරල තියන අනුක කාබනික ද්‍රව්‍යයට හා එහි ව්‍යුහයට අදාල වර්ණය විමෝචනය කරනව.

OLED තිර හදන්නෙ කොහොමද?

මේ OLED තිර නිශ්පාදනය පියවර කීපයක් ඔස්සේ සිදුවෙනව. උප ස්ථරය පිරිසිදුකර පරිපථ ස්ථරය සැකසීම, අනුක කාබනික ස්ථරය ඇතිරීම සහ ක්‍රමානුකූලව නියමිත රටාවට එය සැකසීමත් අවසාන වශයෙන් දූවිල්ලෙන්, වාතයෙන් සහ තෙතමනයෙන් ආරක්ෂාකරගැනීමට වායුරෝධක ලෙස ඇසුරුම මුද්‍රාතැබීමත් සිදුවෙනව. මෙහිදී කාබනික ස්ථරය ඇතිරීමට සහ එය නිසිලෙස සැකසීමට විවධ වූ ක්‍රම භාවතා තරනව.